Browsing "Aragonés"
Oct 16, 2013 - Aragonés    1 Comment

En l’Heraldo d’Aragón

Aquí tenez el reportache del Heraldo escolar d’este mierqueles. Charran d’es nuestros videos y el premio Paseo project mini que nos van dar. ¡Ha quedau bien majo! Punchaz en la imachen ta baixarlo u viyerlo més gran.

Heraldo

El C.R.A. Cinca-Cinqueta en el Ars Electronica de Linz (Austria)

Ya con el curso comencipiau y tot metiu en marcha, tos foi allegar belas fotos de la nuestra cursa al festival Ars Electronica d’Austria la pasada semana. Von marchar alí ta presentar es videos que von fer en l’area d’aragonés, que si tos acordaz, heban ganau el premio “Paseo Project Mini” de la “Fundación Zaragoza Ciudad del conocimiento”.

Si querrez saber bela cosa més del viache, pasazos per el blog d’aragonés de la clica del Cinca-Cinqueta.

Jun 17, 2013 - Aragonés, Premios    1 Comment

Atro premio ta’s borches d’aragonés

Es videos d’es borches de la Clica del Cinca-Cinqueta han resultau ganadors de la primera edición de premio “Paseo Project Mini 2013“, convocau per la Fundación Zaragoza Ciudad del Conocimiento y Ars Electronica.

El churau, integrau per Martin Honzik, director del programa U19 Create your World de Ars Electronica; Lucía Serrano, responsable del suplemento Heraldo Escolar; José Manuel Casanova, técnico del servicio de Educación del Ayuntamiento de Zaragoza; Juan Pradas de Milla Digital / Ayuntamiento de Zaragoza; Mariano Salvador, coordinador del programa Paseo Project; y José Carlos Arnal, director de la Fundación Zaragoza Ciudad del Conocimiento-,  va decidir conceder el premio valurando el orichinal y acertau emplego de las ferramentas de creación dichital, dentro del campo audiovisual, como vía de conservación y trasmisión de una determinada herencia cultural, en este caso la lengua aragonesa, dentro d’una comunidat, y como una traza de vincular lo tradicional con el mundo contemporaneo a traviés de la creatividat tenolochica.

El premio ye dotau con un trofeo, 1.500 euros destinaus a material escolar tenolochico y un viache ta tres presonas al Festival Ars Electronica 2013 en la ciudat de Linz, Austria, ta presentar el proyeto ganador en la seción del festival U19 Create your World.

Como dicen en un programa de la televisión, ¡vusatros si que valez!

Jun 1, 2013 - Aragonés    No Comments

La escuela de Saravillo, finalista del premio al millor curtometrache “Valores educativos y ciudadanos”

Ayer va estar en Zaragoza la proyeción d’es curtos finalistas del premio al millor curtometrache “Valores educativos y ciudadanos” del Festival de Cine de La Almunia. “Cheleras de berano”, feto per es borches de Saravillo va quedar finalista, per lo que nos van fer entrega d’un diploma. Astí tos deixo una foto dinantes de que les ne de este lunes ta que se’l cuelguen en clase. Anque no toz es curtos del C.R.A. han estau premiaus, van felicitarnos abundante per el troballo feto per toz.

01

Abr 18, 2013 - Aragonés    No Comments

La clica en Espiello

Esta fin de semana empecipia Espiello, el festival  de documental etnografico de la comarca del Sobrarbe. El sabado diya 20 d’abril, a las 11:55, en la seción CACHIMALLA adedicada a’s més chicoz. se proyetarán es curtos que von fer el curso pasau en l’area d’aragonés. Estará el montache final, con las introducions  que hen grabau ta achuntarlos toz en un dvd que s’aprestará ta este trimestre.

Punchaz en el cartel si querrez viyer tot el programa del festival.

Espiello 2013

Nov 7, 2012 - Aragonés    No Comments

“La cursa del submarino” participará en el Festival de cine de Zaragoza

¡Tenén güenas nuevas! El comité d’organización del Festival de Cine de Zaragoza nos ha comunicau que el cortometrache “La cursa del submarino” que van fer es ninos de la escuela de San Chuan el curso pasau, ha estau selecionau ta participar en el “Certamen Nacional de Encuentro de Escolares”. La seción se celebra entre es diyas 23 noviembre y 1 de diciembre. ¡A viyer si i hai suerte y ganan estes borches!

Páginas:«123